იქვე, რიშარმა ერთი საიდუმლოც გაამხილა: „გამოგიტყდებით, როდესაც ვენახი შევიძინე, პროფესიონალი მევენახის დაქირავება დამჭირდა, რადგან ამ საქმეში ბევრი არა გამეგებოდა რა. ამ გადაწყვეტილებამ გაამართლა - არა ერთ შეცდომას გადავრჩი და ღვინის პროფესიონალურად დაჭაშნიკებაც ვისწავლე. საინტერესო კი ისაა, რომ როდესაც ღვინოს გემო პირველად გავუსინჯე, არც მისი გამეგებოდა რამე და არც სხვა რამისა, რადგან სამი წლის გახლდით. ერთხელ სახლში სტუმრიანობა გქვონდა. რაღაც მომენტში სტუმრები წამოიშალნენ და გვერდით ოთახში გადაინაცვლეს, მე კი მარტო დავრჩი. მივუახლოვდი მაგიდას, ავიღე ბოკალი და მოვსვი. როგორც მერე აღმოჩნდა, დედაჩემი კინოაპარატით მალულად მიღებდა. ნაცვლად იმისა, რომ ბოკალი გამოერთმია და დავესაჯე, ის სიცილსა და გადაღებას განაგრძობდა.“